Каникул кэмигэр буолан ааспыт В.П. Ларионов аатынан Өрөспүүбүлүкэтээҕи билим 29-с күрэс-кэмпириэнсийэтигэр 33 улуустан уонна 2 куорат уокуругуттан 1500 тахса үөрэнээччи кытынна. Күрэс түмүгүнэн кыайыылаах хамаандалар ааттаннылар.
Икки саҥа сиэксийэ лауреаттарынан буоллулар: «Биотехнология, клеточные и омиксные технологии» хайысхаҕа Өрөспүүбүлүкэтээҕи лиссиэй-интэринээт 11 кылааһын үөрэнээччитэ Симон Андреев «Разработка технологии микроклонального размножения малины обыкновенной» диэн чинчийиитинэн уонна Физико-техническэй лиссиэй 9 кылааһын үөрэнээччитэ, «Кванториум» оҕо айымньытын дьиэтин иитиллээччитэ Светлана Кузьмина «Использование беспилотного летательного аппарата в систематизации экологического мониторинга качества воздуха» диэн чинчийиитинэн.
Хамаанданан күрэстэһиигэ кыайыылаах аатын сүктүлэр: Уус Алдан улууһун Лөгөйдөөҕү лиссиэй-интэринээтэ, Нерюнгри улууһун Оҕо уонна ыччат айымньытын сайыннарар киин, Мииринэй улууһун Политехническэй лиссиэйэ, улахан дэлэгээссийэлэр ортолоругар Чурапчы, Эдьигээн, Ленскэй улуустара.
Сонун төрдө: CӨ Бырабыыталыстыбатын уонна Ил Дарханын пресс-сулууспата
