Киир

Киир

Чечня өрөспүүбүлүкэтигэр саҥа төрөөбүт оҕолорун чэчиэн норуотун дьоруойдарын аатынан сүрэхтээбит төрөппүттэргэ 500-түү тыһыынча солкуобайы биэриэхтэрэ.

Өрөспүүбүлүкэ баһылыга Рамзан Кадыров биллэрбит аахсыйата 2024 с. ахсынньы 31 күнүгэр буолан ааспыт. Ити күн өрөспүүбүлүкэҕэ барыта 180 уол оҕо төрөөбүт. Кинилэри барыларын чэчиэн омугун итэҕэлгэ уонна байыаннай-бэлитиичэскэй диэйэтэллэрин аатынан сүрэхтээбиттэр.

Олор ортолоругар саамай элбэх уол Байсангур, Шейх-Мансур уонна Ахмат диэн ааттаммыттар.

Эбэн эттэххэ...

Байсангур Беноевскай – 19-с үйэтээҕи чэчиэн полководеһа, Беной уопсастыбатын наиба, Кавказ сэриитин көхтөөх кыттыылааҕа – Бенойдааҕы өрө турааччылар этэрээттэрин хамаандыыра. Шамиль имам билиэн бэриммитин кэннэ, 1859 – 1861 сс. Чечня имама. 1860 – 1861 сс. өрө туруу биир салайааччыта, чэчиэн норуотун национальнай дьоруойа.

Шейх-Мансур – суфий үөрэҕин тарҕатааччы, имам, 1785 – 1791 сс. Хотугу Кавказ норуодунай-босхолуур хамсааһынын салайааччыта.

Ахмат-хаджи Абдулхамидович Кадыров – Арассыыйа уонна чэчиэн судаарыстыбаннай, бэлитиичэскэй уонна итэҕэлгэ диэйэтэлэ. Чечня бастакы бэрэсидьиэнэ.

Бэй.кэр.
Хаартыска: grozny.tv   

Санааҕын суруй

Бүтэһик сонуннар