Саха сиригэр дьаҥнаабыт, тумуулаабыт-тымныйбыт киһи ахсаана бу нэдиэлэ иһигэр 35%-нан эбиллибит. Ол туһунан тохсунньу 15 күнүгэр Роспотребнадзор Саха сиринээҕи салаатыгар иһитиннэрдэ.
Өрөсүүбүлүкэ үрдүнэн ОРВИ-нан ыалдьыбыт дьон ахсаана барыта икки тыһыынчаттан тахсыбыт. Дьаҥ-дьаһах быыһыгар, сүрүннээн, хоруона вируһа элбэх – 69,6%. Гириип – 17,6%, атын ыарыы – 12,8%.
Гириип вакцинатын барыта 473 582 киһи ылбыт. Ол иһигэр 189 260 оҕо.
Бэй.кэр.
Хаартыска: mopargolovo.ru