СӨ Доруобуйа харыстабылын министиэристибэтин штаты таһынан сүрүн онколога, мэдиссиинэ билимин хандьыдаата Феодосия Иванова социальнай ситимнэргэ тарҕанар саарбах ис хоһоонноох видеоны итэҕэйбэккитигэр ыҥырда.
Ол курдук, англия тылыттан нууччалыы тылбаастаммыт видеоҕа искэн ыарыыны эмтииргэ туттуллар олус буортулааҕын уонна кутталлааҕын туһунан кэпсэнэр эбит. Оттон Феодосия Иванова этэринэн, аан дойду үрдүнэн мэдиссиинэҕэ искэни эмтиир үс эрэ ньыма баар: хирургия, сардаҥа (луч) уонна эмп көмөтүнэн (химиотерапия). Онон, видеоны итэҕэйэн эмтэммэккэ ыарыыны баалатан кэбиһиэххэ сөп диэн кини сэрэтэр.
Арассыыйаҕа эмтиир терапия боротокуолларын Арассыыйа онкологтарын ассоциациятын, Килииньикэлии онкология уопсастыбатын курдук анал идэлээх билим исписэлиистэрэ оҥороллор уонна РФ Доруобуйа харыстабылын министиэристибэтин таһымыгар бигэргэтэллэр. Боротокуоллар дакаастабыллаах мэдиссиинэ бириинсиптэригэр олоҕураллар уонна бары онколог быраастарга ыйынньык буолаллар.
Сонун төрдө: СӨ Доруобуйа харыстабылын министиэристибэтэ
