Киир

Киир

Олунньу 1 күнүттэн Дьокуускайдааҕы үүт собуота “Молочный дождик” диэн ааттаан таһаарар бары бородууксуйата ортотунан 22%-нан ыарыыр буолла.

Ол барыта сырье, айан-сырыы, логистика, энэргиэтикэ уонна да атын өҥө сыаната ыараабытын, нолуок сокуонугар уларыйыы киирбитин кытта ситимнээх. Хампаанньа салалтата “төһө кыалларынан сыананы тута сатыыбыт” диир.

Ол курдук, маҕаһыннарга бородууктаны маннык сыананан атыылыырга сүбэлииллэр:

  • Үүт – 84,7 солк.;
  • Сыыр киилэтэ – 1 341,3 солк.;
  • 3,2% сыалаах кефир – 85,8 солк.;
  • Ынах арыыта – 275 солк.;
  • Сүөгэй (сметана) – 200,2 солк.;

Сыананы үрдүк хаачыстыбалаах бородууксуйаны оҥороору, табаар маҕаһыыннарга быстыбатын хааччыйаары үрдэппиттэр. Уопсайынан, 2024 сыл иһигэр үүт собуота барыта 14 870 туонна араас бородууксуйаны оҥорбут.

Санатар эбит буоллахха, былырыын алтынньыга ынах арыытын 180 граммын 217 солкуобайтан 238,7 солкуобайга диэри ыараппыттара. Собуот генеральнай дириэктэрэ Илья Самсонов “арыы бэйэҕэ турар сыаната ыараата, РФ Киин баанын тутаах ыстаапка үрдээтэ уонна үлэ ырыынагын балаһыанньата дьайда” диэн быһаарбыта.

Бэй.кэр.
Хаартыска: Дьокуускайдааҕы үүт собуота.

Санааҕын суруй

Бүтэһик сонуннар