Киир

Киир

Усуйаана улууһун биир суола-ииһэ суох Нижнеянскай бөһүөлэгэр бөлүүн тыҥ хатыыта улахан социальнай суолталаах дьиэлэр уокка былдьаннылар. Мас дьиэҕэ олохтоох дьаһалта, баан, почта салаалара, маҕаһыын, бибилэтиэкэ уонна УФСБ кыраныысса таһынааҕы сулууспата бааллар эбит. Хата, дьолго ким да өлбөтөх, эчэйбэтэх.

Күүстээх тыалтан уот сыста турар оскуола уонна уһуйаан дьиэтигэр көспүт. Ол түмүгэр таас дьиэ ис өттө бүтүннүү умайбыт. Оскуолаҕа 8 оҕо үөрэнэр, уһуйааҥҥа – 4 оҕо сылдьар эбит. Улуус баһылыга Валерий Сидорин этэринэн, кинилэргэ билигин табыгастаах усулуобуйаны тэрийэ сатыыллар. Бадаҕа, тымныытынан аатырар кулууп дьиэтигэр үөрэтэр санаалаахтар. Ол эрээри бу миэрэ бөһүөлэккэ демография боппуруоһун тупсарбата, олох таһымын үрдэппэтэ чахчы.

5237785576537712244 

Суруналыыс Маргарита Нифонтова бу бөһүөлэккэ өрөспүүбүлүкэ салалтата наадыйбатын туһунан суруйар. «Олохтоохтор, авиатырааныспар түһэр балаһата, авиация үлэһиттэрэ баалларын үрдүнэн, тырааныспар блокадатыгар олороллор. Манна биир даҕаны бөртөлүөт да, сөмөлүөт да кэлбэт. Ас сыаната халлааҥҥа тиийэр, оттон аптека сыта да суох. Баһаарынай чааһа суох олорон уоту хайдах умуруорбуттарын сөҕөбүн...» диэн кини хараастар.

Бэйэ кэр.

Санааҕын суруй

Бүтэһик сонуннар