Киир

Киир

Урбаанньыт Марат Залялов Амма улууһун Мээндиги сэлиэнньэтигэр хомуйбут мүөтэ Уфаҕа ыытыллыбыт  «ApiGlobal – 2025» аан дойдутааҕы күрэскэ  «Полифлерный мед» хайысхаҕа 2-с миэстэни ылла. Бу саамай тыҥааһыннаах хайысхаҕа 23 кыттааччы күрэстэстэ.

СӨ Тыа хаһаайыстыбатын министиэристибэтэ иһитиннэрбитинэн, күрэскэ Арассыыйа 39 эрэгийиэниттэн уонна ыаллыы тас дойдулартан барыта 266 мүөт көрүҥэ киирбит. Саха сириттэн улуустарга араас оттон хомуллубут уонна кипрейнэй мүөт 5 көрүҥүн ыыппыттар. Марат Залялов бу тэрээһиҥҥэ иккиһин кыттыбыт. Кини этэринэн, биһиги мүөппүт олус ураты, кылгас хотугу сайыммыт бары уоҕун, туһатын иҥэриммит.

968468 6796fd0ec74ad

Былырыын Горнай улууһун ыҥырыа иитээччитэ Илья Осипов «Сибиир бастыҥ мүөтэ» күрэскэ иккис миэстэни, ол кэннэ сүрүн арассыыйатааҕы «Көмүс күһүн» агропромышленнай быыстапка мэтээлин ылбыта. Өссө Подмосковьеҕа ыытыллыбыт «Арассыыйа бастыҥ мүөтэ» күрэскэ Чурапчы Мырылатыттан Күннэй Тимофеева мүөтэ 600 көрүҥтэн төрдүс миэстэҕэ тахсыбыта.

 «Саха мүөтэ аан дойду таһымыгар бастакытын маннык үрдүктүк сыаналанна. Бу биһиги мүөппүт уратытын өссө төгүл бигэргэтэр. Кэнники 5 сыл иһигэр мүөтү оҥорон таһаарыы 4 төгүл элбээтэ», - диэн Өрөспүүбүлүкэҕэ инбэстииссийэни тардыы уонна экспорду өйөөһүн ааҕыныстыбатын салайааччыта Николай Питимко бэлиэтээтэ.

Сонун төрдө: CӨ Тыа хаһаайыстыбатын министиэристибэтэ

Санааҕын суруй

Бүтэһик сонуннар