Быйыл Сахабыт сиригэр суругунан литэрэтиирэбит төрүттэммитэ 125 сыла бэлиэтэнэр. Бу бэлиэ күн улуу саха суруйааччыта, бөлүһүөгэ, сырдатааччыта Алексей Кулаковскай - Өксөкүлээх Өлөксөй «Байанай алгыһа» поэманы суруйбут 1900 сылыттан ааҕыллар.
Ил Дархан Айсен Николаев норуодунай суруйааччы Наталья Харлампьеваны кытта көрсүһүүтүгэр, үбүлүөйдээх тэрээһиннэргэ суруйааччылары уонна ыалдьыттары эрэ буолбакка, төһө кыалларынан элбэх ааҕааччыны хабалларыгар этии киллэрдэ.
Сүрүн тэрээһининэн норуоттар икки ардыларынааҕы «Үрүҥ хаар алгыһа» (Благодать большого снега) поэзия бэстибээлэ буолуоҕа. Быйылгы бэстибээл Чуумпу далайга (Тиихэй акыйааҥҥа) сыһыаннаах тиэмэлээх, онон Вьетнам, Кытай, Монголия поэттарын уонна тылбаасчыттарын ыҥырыахтара. Маны сэргэ саха литэрэтиирэтин устуоруйатын туһунан хаартысканан улахан альбом таһаарыахтара.
Кулун тутарга оскуола үөрэнээччилэрин ортотугар өрөспүүбүлүкэтээҕи литэрэтиирэ күрэҕэ буолуоҕа. «Муус устар» ыччат бэстибээлигэр литэрэтиирэҕэ, суруналыыстыкаҕа, киинэ дырааматын суруйууга уонна кириитикэҕэ холонор 25-гэр диэри саастаах ыччакка пуорум ыытыллыаҕа.
Сонун төрдө: СӨ Бырабыыталыстыбатын уонна Ил Дарханын пресс-сулууспата
Хаартыска: Саргыына Данилова, СИА
