Тохсунньу 31 күнүгэр Дубай куоракка ыытыллыбыт The Oasis by EMAAR HANDICAP ат сүүрдүүтүн бастакы түһүмэҕэр Уус Алдан улууһун Сыырдаах сэлиэнньэтиттэн төрүттээх Семён Бояров Смарт Систем диэн ата эрэллээхтик кыайда. Ол туһунан СИА-ҕа куратора Николай Тарабукин иһитиннэрбит.
«Бу сезоҥҥа үстэ сүүртүбүт. Бастакыга Джебель Али ипподромугар Смарт Систем бэһис кэлбитэ. Онтон иккис сүүрдүүгэ Мейдаҥҥа үһүс буолбута уонна, дьэ, бу үһүскэ бастаата. Жокейынан иккис төгүлүн Бразилия идэтийбит сүрдээччитэ Бернардо Пинейро сырытта. Семен билигин Москубаҕа баар», — диэн кини үөрүүтүн үллэстибит.
Сүүрдүү бирииһэ – 165 000 дирхам, ол эбэтэр – 429 382,94 солк.
Сонун төрдө: СИА