Киир

Киир

Айсен Николаев Жатайдааҕы судоверфь тутуутун хаамыытын билистэ. Кини  бу сыл бастакы кыбаарталын бүтүүтэ суудуналары оҥоруу саҕаланыаҕа диэтэ. Тутууну олохтоох бэдэрээччит ыытар. Бүгүҥҥү туругунан эбийиэк   86% бэлэм.

Судоверфь өрүһүнэн устар араас көрүҥнээх уонна соруктаах суудуналары оҥорон таһаарар кыахтаах. Ол курдук, кыра тоннажтаах парому тутууга Сунтаар улууһун кытта бастакы сөбүлэһиини түһэрсибит. Маны таһынан  Халыматааҕы судоходнай хампаанньаны кытта сөбүлэһиигэ илии баттаспыт.

«Хаарбах туруктаах суудуналар саахаллара төһөлөөх хоромньуну, содулу аҕалыан сөбүн көрө-билэ сылдьабыт. Куттала суох суудуналары тутуу – билиҥҥи  кэм ирдэбилэ», – диэтэ Айсен Николаев.

Бастакы кыбаартал бүтүүтэ Жатайга верфь үлэһиттэригэр анаан уопсай дьиэ үлэҕэ киириэҕэ. 7 мэндиэмэннээх дьиэ  96 хоһугар инженернэй-техническэй састаап уонна тэрилтэ оробуочайдара олоруохтара.

Сонун төрдө: СӨ Бырабыыталыстыбатын уонна Ил Дарханын пресс-сулууспата

Санааҕын суруй

Бүтэһик сонуннар