Кулун тутар 1 күнүттэн олоххо киирэр саҥа сокуонунан дьон Судаарыстыбаннай өҥө (Госуслуги) порталын нөҥүө бэйэтигэр кирэдьиити уонна сойуому ылыыга бобуу туруорар кыахтаныа. Оттон МФЦ нөҥүө бу балаҕан ыйын 1 күнүттэн биирдэ үлэлиэ.
Бобууну хайа түгэҥҥэ туруоруохха сөбүй?
- Пааспары сүтэрдэххэ
- Кыраныысса таһыгар олоро барыыга
- Кирэдьииттээх дьону атын кирэдьииккэ киирииттэн көмүскүүргэ
- Харчыта суох дьону алҕас сыаналаах малы атыылаһыыттан көмүскүүргэ
- Аҕам саастаах дьону алҕас кирэдьииккэ киллэрииттэн көмүскүүргэ
Бобууну туруоруу ипэтиэкэҕэ, массыына кирэдьиитигэр, судаарыстыбаттан өйөбүллээх үөрэх кирэдьиитигэр дьайбат. Бобуу турбутун туһунан биллэрии кирэдьиит устуоруйатыгар киириэҕэ. Оннуктаах киһиэхэ үп-харчы тэрилтэлэрэ кирэдьиит биэрэр бырааптара суох. Ол эрээри бобууну хаһан баҕарар Госуслуги портал босхо нөҥүө уһулуохха сөп.
Сонун төрдө: «Мин докумуоннарым» киин
Хаартыска: Банки.ру
