Дьокуускай куоракка "Күн оһуохайа" өрөспүүбүлүкэтээҕи телевизионнай оһуохай күрэҕэ саҕаланна. Олунньу 4-13 күннэригэр Саха Сирин араас муннуктарыттан мустубут оҕолор "Бэс чагда" оҕо лааҕырын базатыгар 5 түһүмэҕинэн оһуохайга күөн күрэхтэһиэхтэрэ.
Олунньу 13 күнүгэр «Саха» НКИХ ханаалыгар быһа эпииринэн киэһэ 19:00 чааска күрэх түмүктүүр түһүмэҕэ ыытыллыаҕа. Маны сэргэ бу нэдиэлэ устата күн ахсын «Саха» НКИХ ханаалыгар "Күн оһуохайа" бырайыак күннүгэр күрэх хаамыытын көрдөрүөхтэрэ.
Дьүүллүүр сүбэ быһаарыытынан кыайбыт оһуохайдьыт 100 тыһ. солкуобайынан, оттон көрөөччүлэр смс-куоластааһыннарын түмүгэр кыайбыт оһуохайдьыт 50 тыһ. солкуобай харчынан наҕараадаланыаҕа.
Сонун төрдө: "Үөһээ Бүлүү" МТ
