Бэрэсидьиэн Владимир Путин тус дьаһалынан РФ Судаарыстыбаннай Сэбиэтин састаабын бигэргэттэ. «Энэргиэтикэ» хайысхаҕа хамыыһыйа бэрэссэдээтэлинэн салгыы Айсен Николаев хаалла.
Кинини таһынан, сэбиэккэ Уһук илинтэн «Туризм» хамыыһыйаҕа –Приморскай кыраай губернатора Олег Кожемяко, «Инвестициялар» хамыыһыйаҕа – Сахалин уобалаһын губернатора Валерий Лимаренко, «Көдьүүстээх тырааныспар тиһигэ» хамыыһыйаҕа – Бүрээт Өрөспүүбүлүкэтин баһылыга Алексей Цыденов киирдилэр.
Айсен Николаев хамыыһыйа бэрэссэдээтэлинэн былырыын от ыйыгар анаммыта. Манна РФ 64 субъегыттан 136 бэрэстэбиитэл баар.
Сонун төрдө: CӨ Бырабыыталыстыбатын уонна Ил Дарханын пресс-сулууспата
