Ил Дархан Айсен Николаев Москубаҕа РФ Оборона министиэристибэтин А.А. Вишневскай аатынан байыаннай госпиталыгар тиийэ сырытта. Кини эмтэнэ сытар байыастары, ол иһигэр ыараханнык бааһырбыт ыччат дьыалаларыгар уонна социальнай коммуникацияларга миниистир Петр Шамаевтыын, көрүстэ.
«Айсен Сергеевиһи көрсөн олус үөрдүм. Өйөбүл ыллахпытына, күүс эбиллэр, турукпут тупсар. Кыаҕым тиийэринэн Кыайыыны чугаһата сатаатым. Быраастарга уонна Сахам сиригэр олус махтанабын. Тус бэйэм туохтан да кэмсиммэппин. Билигин барыта бэйэбиттэн тутулуктаах», - диэн Петр Шамаев эттэ.
Ил Дархан байыастар кэпсээннэрин болҕойон иһиттэ, долгутар ыйытыыларыгар хоруйдаата, Аҕа дойдуну көмүскээччи күнүнэн бэлэхтэри туттарда, барыларыгар махтанна.
Сонун төрдө: СӨ Бырабыыталыстыбатын уонна Ил Дарханын пресс-сулууспата
