Бүгүн социальнай ситимнэргэ киһи «дьик» гына түһэр дьикти, сөҕүмэр видеота тарҕанна. Бу Рязанская Туйаара (@tuyik_ka) Төрөөбүт тыл уонна сурук-бичик күнүгэр анаан оҥоһуу өй (ИИ) көмөтүнэн саха литэрэтиирэтин төрүттээбит Өксөкүлээх Өлөксөй уобараһын “тилиннэрбит”.
Онон, биһиги улуу суруйааччыбыт билиҥҥи кэмҥэ хайдах буолуон сөптөөҕүн көрөр кыахтанныбыт, кинини илэ көрбүт, кэпсэппит курдук сананныбыт. Видеоҕа Алексей Елисеевич Кулаковскай “Оттоку олук алгыһын” этэр, ону биллиилээх артыыс – Гаврил Менкяров саҥарар.
Урукку дьон уобараһын оҥорууга нейроннай ситимнэри туһаныы – култуурунай нэһилиэстибэни тарҕатыыга саҥа хардыы. Маннык бырайыактар көмөлөрүнэн урукку кэм улуу дьоно саҥа көлүөнэлэри кытта хаттаан “кэпсэтиэхтэрин”, өйдөрүн-санааларын тиэрдиэхтэрин сөп курдук.
*Видео Арассыыйаҕа бобуулаах ситимтэн тарҕанна
Олеся Тимофеева.
