Угуйук туһунан сокуон (Законом о рекламе) ирдииринэн, угуйук үтүө сиэрдээх уонна дьиҥнээх буолуохтаах. Сиэрэ суохха уонна сымыйаҕа угуйар көҥүллэммэт.
УФАС Саха сиринээҕи салаатыгар «Саха НКИХ» уонна «Россия 1» ханааллар Норвегияҕа оҥоһуллубут диэн кытай табаарын атыылыыр Нордическай быыстапка туһунан сымыйа ис хоһоонноох угуйук тахсыбытын туһунан үҥсүү киирбит.
УФАС быһаарбытынан, пуховик дьаарбаҥкатын туһунан сюжет сонуннарга урбаанньыт сакааһынан оҥоһуллан тахсыбыт. Онуоха, сөп түбэһии декларациятынан табаары оҥорон таһаарааччы «Yarter» (Кытай) эбит.
Онон, сымыйа угуйугу таһаарбыт ханаалларга сокуону кэспиттэрин иһин дьыала тэрийдилэр.
Сонун төрдө: УФАС Саха сиринээҕи салаата
