Бу сыл саҕаланыаҕыттан Дьокуускай куорат уулуссаларыгар суол быраабылатын кэһиини устар 9 камераны туруордулар.
Ускуорас эрэсиимин уонна суол бэлиэтин (разметка) кэһиини көрөр камералары маннык уулуссаларга туруорбуттар:
- Дзержинскэй уул. 2 дьиэтин таһа;
- Дзержинскэй уул. 25 дьиэтин таһа;
- Ойуунускай уул. 3 дьиэтин таһа;
- М.Николаев аат. проспект 2 дьиэтин таһа;
- М.Николаев аат. проспект 23/3 дьиэтин таһа;
- Чернышевскай уул. 22/3 дьиэтин таһа;
- Покровскайдыыр суол 5 км, 2Б дьиэтэ.
Итини таһынан, биир барыны-бары көрөр камераны Лермонтов уонна Свердлов уулуссалар быһа охсуһууларыгар иилбиттэр. Ол камера массыына суолга тахсан хайдах турарын (расположение т/с на проезжей части), суол бэлиэтин тутуһууну, стоп-лииньийэни кэһиини, кыһыл уокка барыыны, сэрэхтээх буолуу курун бааныыны, суоппар массыынатын уотун-күөһүн холбообутун дуу, суоҕун дуу, айаннаан иһэн төлөпүөнүнэн кэпсэтэрин – барытын көрөр. Дьон-сэргэ көр-күлүү курдук этэринэн, “Саурон хараҕын” туруорбуттар. Онон суоппарда болҕомтолоох буолуҥ, быраабыланы кэһимэҥ.
Суол быраабылатын кэспит туһунан иһитиннэрии тута ГАИ-га ЦАФАП-ка барар.
