Айсен Николаев Үөһээ Бүлүүгэ сырыытын кэмигэр Улуу Кыайыы 80 сылынан мэтээли тыыл, үлэ бэтэрээнэ Дмитрий Сибиряковка дьиэтигэр тиийэн туттарда, киниэхэ уһун үйэни, дьоллоох олоҕу баҕарда.
Дмитрий Николаевич Чурапчы Одьулуунугар төрөөбүт, тулаайах хаалан оҕо дьиэтигэр иитиллибит. Эдэригэр Булуҥҥа мотористаабыт, 50-с сылларга «Арктика» холкуоска балыксыттаабыт. 1960 сылтан 1996 сылга биэнсийэҕэ тахсыар диэри тутууга үлэлээбит. Кини өрөспүүбүлүкэ үтүөлээх тутааччыта, Үөһээ Бүлүү улууһун ытык олохтооҕо.
Айсен Сергеевич Аҕа дойду сэриитин ыарахан сылларын туһунан билэр, өйдүүр-саныыр, фашизмы кыайбыт дьоҥҥо харыстабыллаах уонна болҕомтолоох сыһыан ирдэнэрин, сэрии кэннинэ дойдуну чөлүгэр түһэриигэ кыттыыларын үрдүктүк сыаналыырын бэлиэтээтэ.
Сонун төрдө: CӨ Бырабыыталыстыбатын уонна Ил Дарханын пресс-сулууспата
