Өссө биир Америка хампаанньата Арассыыйаҕа төннөөрү бэлэмнэнэр. Кока-кола Арассыыйа ырыынагар “тыыннаах хааларын туһугар” стратегияларын ырыппыттарын туһунан Mash телеграм-ханаал суруйда.
Mash этэринэн, утаҕы Арассыыйаттан барыахтарын иннинэ үлэлээбит собуоттарыгар салгыы оҥорон таһаарар санаалаахтар. Ырыынакка төннөн баран, Coca-Cola кинини солбуйа сылдьыбыт хампаанньалары кытта куоталаһан барыаҕа.
Бу иннинэ PepsiCo, Apple, Microsoft хампаанньалар, ону тэҥэ төлөбүр систиэмэлэрэ Visa уонна MasterCard Арассыыйа ырыынагар төннөр санааларын биллэрбиттэрэ.
Маны таһынан, Zara, Bershka, Pull&Bear, Stradivarius уонна Uniqlo курдук киэҥник биллэр таҥас бреннэрэ эмиэ Арассыыйаҕа төннөр кыахтарын толкуйдууллар, бу боппуруоһу көхтөөхтүк ырыталлар.
Татьяна Жанчикова.
