Горнай улууһун полициятыгар угаайыга киирэн биэрбит дьон сайабылыанньалаах кэлбиттэр. Онно биллибитинэн, 37 саастаах эдэр киһи бассаапка олохтоох бөлөхтөргө “мэйиитигэр тахсыбыт искэни ылларарыгар” суһаллык харчы хомуйарга көрдөспүт.
Амарах сүрэхтээх улуус олохтоохторо ким төһө кыалларынан харчы хомуйан ыыппыттар. Уопсайа 8 киһи 600 тыһ. солк. тахсаны ыыппыт. Онтубут баара, бу уол отой да муус доруобай эбит, ханнык да искэнэ суох, бэйэтэ билиммитинэн “харчыбар наһаа ыктарбытым, онтон төлөрүйээри итинник албынныырга күһэллибитим” диэбит.
Киниэхэ Арассыыйа ХК 159 ыст. 1 ч. (“түөкүннээһин”) холуобунай дьыала көбүтүлүннэ. Бу туһунан ИДьМ пресс-сулууспата иһитиннэрэр уонна үтүө дьыалаҕа харчы биэриэх иннинэ информацияны үчүгэйдик бэрэбиэркэлииргэ ыҥырар. Искэн да «араастаах» буолар эбит...
Бэйэ кэр.
