Уус-Алдан улууһуттан сылдьар Семен Бояров ата Дубайга ыытыллар престижнай сүүрүүгэ өрөгөйдөөхтүк кытынна.
Олунньу 21 күнүгэр, Мейдан ипподромугар, “JEBEL ALI PORT PRESENTED BY DP WORLD” бириис чэрчитинэн, Смарт Систем 1200 миэтэрэ (кумах) дистанцияҕа бастакы миэстэни эрэллээхтик ылла.
Смарт Систем – АХШ-тан төрүттээх, биэс саастаах, ыраас хааннаах атыыр. Семен бу аты былырыын атыыласпыт. Кини номнуо аан дойду таһымыгар хаһыс да төгүлүн бэйэтин кыаҕын көрдөрдө. Бу иннинэ Дубайга 1400 м сүүрүүгэ кыайбыта.
Маннык таһымнаах кыайыы өрөспүүбүлүкэҕэ ат успуордугар улахан суолталаах. Биир дойдулаахпыт ситиһиитинэн киэн туттабыт уонна саҥа кыайыылары күүтэбит!
Олеся ТИМОФЕЕВА
