Полиция 1 №-дээх отделыгар Дьокуускай к. олохтооҕо кууллаах балыгын уорбуттарын туһунан үҥсүү суруйбут, хоромньутун 34 тыһ. солк. сыаналаабыт. Уорбаланааччы сойо илик суолунан холуобунай ирдэһии үлэһиттэрэ 41 саастаах эр киһини туттулар.
Буруйданааччы саҥа нүөмэригэр хотугу улуустан кууллаах балык кэлбитин туһунан эрийэн эппиттэр. Онуоха кини, баһыылка киниэхэ кэлбитин курдук туттан-хаптан, 29 киилэ муҥур балыгы (чыыры) тиийэн ылан барбыт. Онтон чугас дьонугар үөрдэ-көтүтэ түҥэтэн кэбиспит.
Онон, киниэхэ «Уоруу» ыстатыйанан дьыала тэрийдилэр. Ити курдук дьон «үөрүүтэ» олус хобдохтук уорууга кубулуйбут.
Сонун төрдө: CӨ ИДьМ
