СӨ Доруобуйа харыстабылын министиэристибэтэ сүрэх-тымыр уонна эндокриннай ыарыылаах дьон доруобуйатын тэйиччиттэн кэтээн көрөргө туһуламмыт саҥа бырайыагы үлэлэтиэҕэ.
Бу ыарыһахтар олохторун таһымын тупсарарга туһуламмыт «Уһун уонна көхтөөх олох» национальнай бырайыак иитинэн киириэҕэ. Миниистир Лена Афанасьева бэлиэтииринэн, тэйиччиттэн кэтээн көрөр тиһик ыарыһахтарга, туруктарыгар туох эмэ уларыйыы таҕыстаҕына, мэдиссиинэ көмөтүн түргэнник оҥорорго төһүү буолуоҕа.
Бырайыагы СӨ мэдиссиинэ иһитиннэрэр-анааалыстыыр киинэ (ЯМАЦ) сыл бүтүөр диэри олоххо киллэрэр санаалаах. Бастакы түһүмэххэ “Облачнай поликлиника” тиһигэр анал бырагырааманы туруоруохтара. Ол кэннэ, үлэһиттэри уонна ыарыһахтары кытыннаран, тургутан көрүөхтэрэ.
Сонун төрдө: CӨ Бырабыыталыстыбатын уонна Ил Дарханын пресс-сулууспата
