СӨ бырабыыталыстыбатын бэрэссэдээтэлин солбуйааччы Дьулустаан Борисов Аҕа дойду Улуу сэриитин бэтэрээнэ, 102 саастаах Семен Колтовскойга “СӨ Бочуоттаах олохтооҕо” бэлиэни уонна “1941 – 1945 сс. Аҕа дойду Улуу сэриитигэр Кыайыы 80 сыла” мэтээли туттарда. Ол туһунан бырабыыталыстыба пресс-сулууспата суруйар.
Семен Иванович Колтовской – Улуу сэрии бэтэрээнэ, Дьоппуон сэриитин кыттыылааҕа. Аҕа дойду сэриитин 2-с истиэпэннээх уордьанын кавалера, “Бойобуой үтүөлэрин иһин”, “Германияны кыайыы киһин”, “Японияны кыайыы иһин”, “Эҥкилэ суох сулууспатын иһин”, о.д.а. мэтээллэрдээх. Милииссийэ туйгуна.
Кини 1922 с. балаҕан ыйын 9 күнүгэр Бүлүү улууһун Кыргыдайыгар төрөөбүтэ. Сэрии бастакы сылларыгар холкуоска биригэдьиирдээбитэ. 1944 с. аармыйаҕа ыҥырыллан, 25-с Кыһыл знамялаах аттаах-механизированнай биригээдэҕэ сулууспалаабыта. Плиев генерал салалтатынан Хинганнааҕы-Мукденнааҕы кимэн киирэр эпэрээссийэҕэ кыттыбыта. Сэрии кэннэ МГБ-га үлэлээбитэ.
Санатар буоллахха, бүгүн Саха сиригэр Аҕа дойду Улуу сэриитин 9 бэтэрээнэ олорор.
