«РНГ» аахсыйалаах уопсастыба көҕүлээһининэн уонна өйөбүлүнэн, быйыл эмиэ өрөспүүбүлүкэ сүүс бастыҥ педагогар 100 тыһ. солк. биэриэхтэрэ. Күрэс кулун тутар 3 күнүттэн саҕаланыаҕа.
Эрэгийиэн оҕолору иитэр-үөрэтэр каадырдарын сайыннарар соруктаах күрэс аан бастакытын САССР төрүттэммитэ 100 сылыгар тэриллибитэ. Ол кэмтэн бириэмийэни 300 педагог ылбыта. Манна хайа баҕарар оскуола иннинээҕи тэрилтэ иитээччилэрэ, оҕо ускуустубатын уонна успуорт оскуолаларын тириэньэрдэрэ, оскуола уонна орто анал үөрэхтээһин педагогтара кыттыахтарын сөп.
Кыайыылаахтары үөрэнээччилэр сыаналарынан, олимпиадаларга уонна күрэстэргэ, билим-чинчийии үлэлэрин түмүктэринэн уонна педагог тус ситиһиилэрин көрөн талаллар.
Сонун төрдө: СӨ Бырабыыталыстыбатын уонна Ил Дарханын пресс-сулууспата
