Бырабыыталыстыба бэрэссэдээтэлин солбуйааччыта Дмитрий Садовников салайааччылаах бөлөх Аллараа Халымаҕа тиийдэ.
Бастаан Походскай сэлиэнньэтин уонна улуус киинин Черскэй олохтоохторун кытта көрүстүлэр. Салгыы Колымское уонна Андрюшкино сэлиэнньэлэргэ тиийиэхтэрэ. АБДь кыттыылаахтарын уонна кинилэр дьиэ кэргэннэрин кытта көрсүөхтэрэ. Баҕалаахтары кытта психолог үлэлиэҕэ. Маны таһынан социальнай эбийиэктэргэ сылдьыахтара.
Бырабыыталыстыба отчуота кэлэр сэттиэлэҕэ диэри барыаҕа. Түмүктэрин кулун тутар 7 күнүгэр «Саха» НКИХ ханаалыгар кэпсиэхтэрэ.
Сонун төрдө: СӨ Бырабыыталыстыбатын отчуота
