Өрөспүүбүлүкэтээҕи мэдиссиинискэй реабилитация уонна успуорт мэдиссиинэтин киинигэр доруобуйаҕа куттал суох буолуутун ирдэбилигэр эппиэттээбэт өҥө оҥоһуллубут чахчытынан холуобунай дьыала тэрилиннэ.
Ол курдук, силиэстийэ быһаарбытынан, олунньу 28 күнүгэр оһоҕос инфекциятыттан сүһүрүүгэ майгынныыр тииһигириилээх 80 киһи, ол иһигэр 24 оҕо суһал мэдиссиинэ көмөтүн ыларга күһэллибит.
Сүһүрүү бэлиэлэрэ эмтэнэ сытааччыларга уонна кинилэри харайааччыларга олунньу 27 күнүгэр киэһээҥҥи итии аһылык кэннэ көстүбүттэр. Билигин үс киһи балыыһа инфекционнай салаатыгар эмтэнэ сыталлар. Онтон атыттар дьиэлэригэр эмтэнэллэр. Силиэстийэ бара турар.
Сонун төрдө: СӨ Силиэстийэлиир кэмитиэтэ
