Таатта улууһун Уолба нэһилиэгэр, биллиилээх маастар Михаил Боппосов тиэргэнигэр, хаартан оҥоһуллубут дьикти “тюльпан суола” тыргылынна. Балбаах оҥоһуктарынан аатырбыт Михаил бу сырыыга нэһилиэгин олохтоохторун саҥа ураты айымньытынан сөхтөрөрдө.
Кини, хаартан араас өҥнөөх сибэккилэри оҥорон, тиэргэнигэр хас эмэ сүүһүнэн тюльпаннары "үүннэрэн" таһаарда. Маастар сибэккилэри олус уһуннук оҥорбут эбит. Хаары кыһыны быһа ураты ньыманан күрдьүбүт, муспут. Нэһилиэгин дьахталларын үөрдээри, үлэтин кулун тутар 8 күнүгэр диэри түмүктүү сатаабыт. Биллэн турар, бастакынан Михаил оҕолоро уонна сиэннэрэ бу «сибэккилээх ыллыкка» астына-дуоһуйа хаартыскаҕа түспүттэр.
Дьэ, ити курдук дьиҥнээх эр хоһуун сибэкки үүммэт да кэмигэр, ирбэт да тоҥҥо кэрэ аҥаарыгар умнуллубат бэлэҕи оҥорор, үөрдэр-көтүтэр. Санатан эттэххэ, Боппосов балбаахтан оҥорбут саҥа сыл 12 бэлиэтэ аан дойдуга биллибитэ
Сонун төрдө: СИА
