Эһигини Саха Өрөспүүбүлүкэтин салалтатын уонна тус бэйэм ааппыттан сааскы үтүө уонна сырдык бырааһынньыгынан – Дьахталлар норуоттар икки ардыларынааҕы күннэринэн – ис сүрэхпиттэн эҕэрдэлиибин!
Бу сааскы үтүө күн ураты истиҥ иэйиинэн, сылааһынан илгийэр. Бу күн биһиги эһиэхэ – ийэлэрбитигэр, кэргэттэрбитигэр, эдьиийдэрбитигэр-балыстарбытыгар, эбэлэрбитигэр, кыргыттарбытыгар уонна кэллиэгэлэрбитигэр – дириҥ махталбытын тиэрдэбит. Ханнык да кэмҥэ дьахтар олох, кэрэ буолуу уонна үрдүк иэйии бэлиэтэ. Саха сирин дьахталлара аҥаардас кэрэлэринэн эрэ буолбакка, муударайдарынан, тулуурдаахтарынан, холумтан сылааһын, дьиэ кэргэн үгэстэрин уонна духуобунай сыаннастары харыстыыр сатабылларынан, ону көлүөнэттэн көлүөнэҕэ харыстабыллаахтык тиэрдэллэринэн аатыраллар. Тыйыс тымныы айылҕалаах сиргэ нус бараан олоҕу, туруктаах буолууну эһиги түстүүгүт, биһиги араас тургутуулары кыайарбытыгар көмөлөһөҕүт.
Саха сирин устуоруйатыгар өрөспүүбүлүкэбит атаҕар туруутугар уонна сайдыытыгар сүҥкэн кылааттарын киллэрбит элбэх дьахтар баар. Кинилэр албан ааттаах суолларын, үгэстэрин салҕаан, билигин даҕаны аныгы кэм дьахталлара үрдүк профессионализмы, туруорбут соруктарын ситиһэргэ дьулууру, талбыт дьыалаларыгар эрэллээх буолууну көрдөрөллөр. Эһиги күннээҕи үлэҕит-хамнаскыт ситиһиигэ уонна билиниигэ тиэрдэр кыһамньылаах буолуу, идэҕэ бэринии чаҕылхай холобура буолар.
Ураты махтал тыллары бу курдук дойдуга уустук кэмнэргэ дьиҥнээх эрдээх санаалаах, патриоттуу быһыыны көрдөрөр, чугас дьонноро биһиги көҥүлбүтүн уонна кырдьыгы туруулаһа сылдьар дьахталларга, АБДь кыттыылаахтарыгар уонна кинилэр дьиэ кэргэннэригэр көмөлөһөр волонтер хамсааһынын кыттыылаахтарыгар, госпиталларга бааһыран сытар байыастарга көмөлөһөөччүлэргэ, сылаас таҥаһы тигээччилэргэ, хаххалыыр сиэккэни баайааччыларга, гуманитарнай көмөнү хомуйааччыларга этиэхпин баҕарабын. Эһиги көмөҕүт биһиги дьоммут Төрөөбүт дойдуларыгар иэстэрин чиэстээхтик толороллоругар күүс-тирэх буолар.
Бу бырааһынньыктааҕы күн Сахабыт сирин бука бары дьахталларыгар бөҕө доруобуйаны, дьолу, этэҥҥэ буолууну уонна нус бараан олоҕу баҕарабын! Эһиги дьиэҕитигэр мэлдьи таптал уонна өйдөһүү баар буоллун. Хас биирдии саҥа күн үөрүүнү, иэйиини аҕаллын, баҕа санааҕыт уонна былааҥҥыт туоллун! Бу бырааһынньык сылаас тыына эһигини сылы быһа арыаллаатын, саҥа кыйыыларга, ситиһиилэргэ сирдээтин!
