Судаарыстыбаннай былаас ситэриилээх уорганнарын 2024 сыллааҕы үлэтин отчуоттара кулун тутар 3 күнүттэн 6 күнүгэр диэри буолан аастылар. Ити кэм устата 451 нэһилиэнньэлээх пууҥҥа сырыттылар. Бырабыыталыстыбаны кытта көрсүһүүлэргэ 30 тыһ. кэриҥэ киһи сырытта. Ону таһынан бэрэссэдээтэл Кирилл Бычков солбуйааччыларын кытта «Саха» НКИХ уонна «Якутия 24» ханаалларга түмүктүүр быһа эпииргэ кытыннылар.
Ил Дархан Айсен Николаев бэлиэтээбитин курдук, бырабыыталыстыба отчуотун сүрүн соругунан нэһилиэнньэни кытта алтыһыы, сирэй көрсөн быһаччы быһаарсыы, олоҕу-дьаһаҕы иһиттэн билии, уһук сытар эбийиэктэри миэстэтигэр көрүү-истии буолар. Олохтоох дьон манна сылдьан киллэрбит этиилэригэр, ыйбыт кыһалҕаларыгар, ыйытыыларыгар олоҕуран муниципальнай тэриллиилэр уонна бүтүн өрөпсүүбүлүкэ сайдыытын торумнууллар.
Сонун төрдө: СӨ Бырабыыталыстыбатын уонна Ил Дарханын пресс-сулууспата
