Биһиэхэ Дьокуускай куорат Михаил Николаев проспегын 40/5 нүөмэрдээх дьиэтин олохтоохторо суруйдулар. Кинилэр кыбартыыраларыгар кыраантан олунньуттан саҕалаан күн бүгүнүгэр диэри кугас өҥнөөх, ардыгар кумахтаах, кирдээх уу сүүрэр..
Олохтоохтор ол туһунан дьиэни көрөр-хааччыйар эбээһинэстээх «Строитель» управляющай хампаанньа диспиэччэригэр 15.02.2025, 25.02.2025, 04.03.2025, 07.03.2025, 10.03.2025 сайаапкалары ыыппыттар даҕаны, кыһалҕа билигин даҕаны быһаарылла илик. Оттон «Теплоэнергия» АУо уу иһин төлөбүрү толору ыла турар, төнүннэрэрэ биллибэт.
Манна «Уунан хааччыйыы туһунан» федеральнай сокуону кэһии уонна өҥөнү туһанааччылар бырааптарын, ону ааһан киһи быраабын кэһии, ала-чуо көстө сылдьар
Биһиги диспиэччэрдэргэ эрийэн ыйыталастыбыт. Онно эппиттэринэн, икки тэрилтэ бэрэстэбиитэллэрэ бүгүн саҥардыы көрсөн дьиэлэри кэрийэн көрбүттэр, уу хаачыстыбатын бэрэбиэркэлиир туһааннаах тэрилтэ үлэһиттэрэ уу боруобатын ылбыттар, итиэннэ ыраастаары ууну сүүрдүбүттэр. Ол эбэтэр, балтараа ыйы быһа тугу да гыммакка сылдьан баран, дьэ, хамсаммыттар...
Бэйэ кэр.
