Дьокуускайга Сайсары күөлгэ кулун тутар 15 күнүгэр ахсыс төгүлүн "Аҕа күрэҕэ" (0+) киин куорат аҕаларын уонна уол оҕолорун күрэхтэһиилэрэ ыытыллыаҕа. Тэрээһини дьаһалта уопсастыбаннай сибээскэ уонна ыччат бэлиитикэтигэр, физическэй култуураҕа уонна успуорка управлениелара Дьокуускай куорат аҕаларын сүбэтин уонна "Северное сияние" ХЭТ кытта бииргэ тэрийэллэр.
Күрэхтэһиигэ аҕалар уолаттарын кытта эр дьон сатабылын көрдөрүөхтэрэ. Ол курдук, бэйэни билиһиннэрии, бэрэбинэни сулуйуу, эрбэтии уонна хайытыы, ойбон алларыыостуолбаҕа ыттыы, уоту оттон чэйи оргутуу, булчут биатлона диэн түһүмэхтэр бааллар. Бу барыта сарсыарда 10.00 чаастан киэһэ 17.00 чааска диэри буолуоҕа. Ол түмүгүнэн кыайбыт икки хамаанда кулун тутар 29-30 күннэригэр өрөспүүбүлүкэтээҕи күрэххэ кыттыахтара.
Сонун төрдө: Дьокуускай куорат уокуруктааҕы дьаһалтата
