Үлэһит сотору кэминэн уурайан барар сүрүн чинчитэ үлэтигэр интэриэһин сүтэриитэ буолар диэн SuperJob үлэ көрдүүр сиэрбис ыйытыга быһаарда. Манна Дьокуускай тэрилтэлэрин персонал менеджердэрэ уонна каадыр сулууспатын бэрэстэбиитэллэрэ кытыннылар.
Ол курдук, уопуттаах каадырдар үлэһит сайабылыанньа суруйа да илигинэ уурайан барарын билиэхтэрин сөп эбит. HR-исписэлиистэр 34%-нара сүрүн чинчигэ үлэҕэ интэриэһи сүтэриини уонна аахайбат буолууну киллэрэллэр. 22%-нара үлэ хаачыстыбата мөлтөөбүтүн уонна ыһыллаҕас буолуунун ааттыыллар. Ээл-дээл сыһыаннаһыыны уонна көҕө суох буолууну – 15%, оттон сөбүлээбэти көрдөрүүнү — 13% бэлиэтииллэр. Хас тохсус каадыр (11%) үлэһит туох да төрүөтэ суох айманар буоларын этэр. Эмиэ итиччэ каадыр сотору-сотору көҥүллэтэн барыыны уонна бэйэ суотугар уоппуска ылыыны ааттыыр.
Өссө уурайарын толкуйдуур үлэһит салалтаны кытта быһаарсыыттан батынар, үлэлиир кыаҕа намтыыр, хойутуур, саҥаны тугу да толкуйдаабат, эбээһинэһин атын дьоҥҥо сүктэрэр, эппиэтинэһэ суохтук сыһыаннаһар, ньиэрбинэйдиир, этиһэр буолуон сөп. Сорохтор кэлэктииптэн тэйиччи сылдьыы, кистэнии, больничнай ылыы элбиир дииллэр.
Сонун төрдө: SuperJob
