2019-2024 сс. «Эрэгийиэннээҕи аэропортары сайыннарыы» (Развитие региональных аэропортов) федеральнай бырайыагы үбүлээһин кээмэйэ 196,8 млрд солк. тиийбитэ. Арассыыйаҕа саҥардыллыбыт аэропортартан үс гыммыт биирин кэриэтэ Саха сиригэр баар.
Ол курдук, дойду үрдүнэн 19 көтүтэр-түһэрэр балаһа уонна 31 аэропорка 14 көмө эбийиэгэ саҥардыллыбыт. Саха сиригэр 2019 сылтан бэттэх Дьокуускайга, Черскэйгэ, Эдьигээҥҥэ, Хандыгаҕа, Белай Гораҕа, Үөһээ Бүлүүгэ, Бүлүүгэ, Депутатскайга, Сангарга, Нерюнгригэ уонна Уус Ньараҕа барыта 11 аэропорт саҥардылынна. СӨ Тырааныспар министиэристибэтин дааннайынан, 2030 сылга диэри Зырянка, Маҕан, Ньурба, Тиксии аэропортарын уонна «Полярнай» аэропорт иккис уочаратын саҥардыахтара.
Саха сирин таһынан, Орловскай, Саратовскай, Кировскай, Челябинскай, Томскай, Магадан уобаластарын, Дагестан, Чечня, Ставропольскай кыраай аэропортара саҥардыллан тураллар.
Хаартыска: Андрей Сорокин, СИА
