Дьааҥы өрүскэ ньиэп бородууктата тохтон СМИ-гэ, социальнай ситимнэргэ улахан айдаан таҕыста. Итиннэ "Саханефтегазсбыт" АУо үлэтэ сыһыана суоҕун туһунан иһитиннэрэбит.
"Саханефтегазсбыт" АУо сүрүн инженерэ Александр Нифонтов хампаанньа бары АЗС-гар, КАЗС-гар уонна да атын филиалларыгар - 19 ньиэп базатыгар - ньиэп бородууктата ханан да тохтубута бэлиэтэммэтэҕин туһунан эттэ.
Онон, кырдьыга суох иһитиннэриини тарҕатары тохтоторгутун көрдөһөбүт. Северная сэлиэнньэҕэ баар ньиэп базатын "Саханефтегазсбыт" хампаанньа буолбакка, атын тэрилтэ бас билэр. Билигин айылҕаны харыстыыр, хонтуруоллуур уорганнар бэрэбиэркэ ыыталлар.
Яна Байгожаева, "Саханефтегазсбыт" АУо пресс-сэкирэтээрэ
