«Муус устар» ыччат бэстибээлин чэрчитинэн, саха кулинариятын чулуу асчыта Иннокентий Тарбаахап аатынан «Шеф кистэлэҥнэрэ» кулинарнай киирсии финалын ортото түмүктэннэ. Үгүс дьоҕурдаах кыттааччыттан алта финалист талылынна. Кинилэр кулун тутар 20 күнүгэр бастыҥ буолар иһин күрэстэһиэхтэрэ.
Финалга киирдилэр:Кристина Гоголева, Өлөөн эбэҥки оройуонаНиколай Осипов, Үөһээ Дьааҥы улууһаПетр Аммосов, Чурапчы улууһаКирилл Сидоров, Бүлүү улууһаЕвгения Слюсарь, Сунтаар улууһаАнита Иванова, Ньурба улууһа
Кинилэр финалга икки тыҥааһыннаах чаас иһигэр «хара хоппоҕо» кистэммит ингредиеннэртэн биир бүлүүдэни астыахтара. Дьүүл сүбэтэ, бүлүүдэни бары өттүнэн сыаналаан баран, үс бастыҥы талыаҕа. Кыайыылаахтар киин куорат «Тыгын Дархан» уонна «Сэттис халлаан» эрэстэрээннэригэр, Ю. А. Готовцев аатынан Дьокуускайдааҕы сиэрбис технологическай техникумугар салгыы таһымнарын үрдэтэр кыахтаныахтара.
Сонун төрдө: «Тыгын Дархан» эрэстэрээн
