СӨ Тыа хаһаайыстыбатын уонна ас-үөл бэлиитикэтин министиэристибэтигэр «Муус устар-2025» ыччат бэстибээлин чэрчитинэн ыытыллыбыт "Эдэр аграрий" интеллектуальнай оонньуу кыайыылаахтарын биллэрдилэр.
Анаабыр, Үөһээ Бүлүү, Үөһээ Дьааҥы, Бүлүү, Кэбээйи, Мэҥэ Хаҥалас, Нам, Ньурба, Өлүөхүмэ, Сунтаар уонна Чурапчы улуустарын хамаандалара үс күн устата күрэхтэстилэр. Манна агроном, зоотехник, технолог, бэтэринээр, экэнэмиис идэлээх эдэр исписэлиистэр уонна оскуола оҕолоро кытыннылар.
Арктика уонна Хоту сир улуустарын ортотугар Дьааҥы улууһа кыайда. Иккис миэстэни Кэбээйи улууһа, үһүс миэстэни Анаабыр улууһа ыллылар. Онтон атын улуустарга Сунтаар улууһа бастаата. Иккис миэстэни Мэҥэ Хаҥалас улууһа, үһүс миэстэни Чурапчы улууһа ыллылар.
Эдэр дьон билиилэрин тургуттулар, сатабылга сорудах толордулар, тыа хаһаайыстыбатын сайыннарыы барылын оҥордулар, олохтоох оҥорон таһаарыы ыйааҕын олоххо киллэриигэ дьиэтээҕи үлэлэрин көмүскээтилэр уонна «От поля до прилавка» тиэмэлээх видеоролик уһулан көрдөрүлэр.
Сонун төрдө: СӨ Тыа хаһаайыстыбатын уонна ас-үөл бэлиитикэтин министиэристибэтэ
