«Сахаэнерго» АУо хотугу уонна арктикатааҕы улуустары күн көмөтүнэн уоту хааччыйар аныгы ньымалары салгыы сайыннарар. Бу уустук суоллаах-иистээх сирдэргэ диисэл уматыкка уонна мотуор арыытын биллэрдик харыстыыр. Билигин хампаанньа көрөр-истэр сиригэр 32 күн ыстаансыйата туттуллар. Мантан 12-тэ өҥөнү оҥоруу дуогабарынан үлэлиир.
Кэбээйи улууһун Батамай бөһүөлэгэр 2011 сыллаахха бастакы күн уотун ыстаансыйата үлэҕэ киириэҕиттэн «күөх» энэргиэтикэ эбийиэктэрэ таһаарыылаахтарын көрдөрдүлэр. 2024 сылга автоматизациялаах гибриднэй уот комплексын көмөтүнэн (АГЭК) 1576 туонна диисэл уматыгы харыстаатылар. Быйыл бу көрдөрүүнү 2000 туоннаҕа диэри үрдэтэри былаанныыллар.
2021-2024 сылларга эмиэ итинник дуогабардарынан АГЭК тиһигэ Үөһээ Дьааҥы улууһун киинигэр уонна Табалаахха, Муома улууһун Хонуу, Саһыр, Кулун Өлбүт уонна Чуумпу Кытыл (Төбүлэх) сэлиэнньэлэригэр, ону таһынан Өймөкөөн, Өлүөхүмэ уонна да атын улуустарга үлэҕэ киирбиттэрэ.
Сонун төрдө: «Сахаэнерго» АУо
