СӨ Борокуратуурата үс киһиэхэ тэриллибит холуобунай дьыаланы суукка ыытта. Кинилэр, баһаары сэрэтии ирдэбилин кэһэннэр, икки киһи өлүүтүгэр уонна икки киһи ыараханнык эмсэҕэлээһинигэр буруйданаллар.
Силиэстийэ көрдөрбүтүнэн, Ленин проспегын 3/1 №-дээх дьиэтин салайыыга эппиэтинэстээх «Сигма» ХЭТ дириэктэрэ уонна кини солбуйааччыта баһаар өттүнэн куттал суох буолуутун хааччыйар нуорманы тутуспатахтар. Оттон дьиэ биир хоһун куортамнаһааччылар, уот тэрилин араарбакка бараннар, улахан баһаар күөдьүйбүт.
Маннык дьалаҕай быһыыттан хас да этээс умайан, икки киһи тыына быстыбыт уонна икки киһи ыараханнык эмсэҕэлээбит. Онон холуобунай дьыала сотору Дьокуускайдааҕы куорат суутугар көрүллүөҕэ.
Сонун төрдө: СӨ Силиэстийэлиир кэмитиэтэ
