Кулун тутар 18–25 күннэригэр Саха сирин доброволец быраастара Бэрэсидьиэн граннарын пуондатын өйөбүлүнэн Орто Халыма улууһун олохтоохторугар удьуор ыарыылары быһаарар эспэдииссийэҕэ сырыттылар.
Бу 1-кы тииптээх спиноцеребеллярнай атаксиялаах уонна да атын нейродегенеративнай ыарыылаах дьон ассоциацияларын «Наша сила - в единстве» бырайыага генетическэй ыарыылар тарҕаныыларын намтатыыга туһуланар. Айаны Орто Халыма улууһун дьаһалтата уонна киин балыыһа салалтата тэрийдилэр.
Быраастар Орто Халыма, Арҕахтаах, Ойуһардаах уонна Сылгы Ыытар олохтоохторун көрдүлэр уонна ДНК-анаалыстары ыллылар. Барыта 318 консултаассыйа, ультразвугунан 5 пренатальнай чинчийии ыытылынна. Ол түмүгэр Дьокуускайга билим киинигэр киирэн көрдөрүнүүгэ 25 киһини ыҥырдылар.
Сонун төрдө: СӨ Бырабыыталыстыбатын уонна Ил Дарханын пресс-сулууспата
