Муома улууһун Чуумпу Кытыл нэһилиэгэр ыраах Испания сириттэн бэлэсипиэттээх айанньыт Хуан Менендес сынньанан ааста, салгыы Хонууга, Абыйга, Чокурдаахха диэри айанныыр санаалааҕын иһитиннэрдэ. Испанец Муомаҕа кэлиэн иннинэ Орто Халыма, Үөһээ Халыма, Өймөкөөн улуустарынан таарыйан ааспыт. Кинини олохтоох сиэринэн истиҥник көрсөн, аһатан, хоннорон атаардылар.
Хуан Менендес Саха сиригэр бастакы сырыыта буолбатах: кини 2022 уонна 2024 сыллаахха кэлэ сылдьыбыт. Бэлэсипиэтинэн Австралияҕа, Антарктидаҕа, Амазонкаҕа, Урал хайаларга, Байкал күөлгэ тиийэ айаннаабыт. Икки көлүөһэлээх көлөтүгэр айаҥҥа туттар тэрилин барытын тиэйэ сылдьар: балааккатын, оһоҕун, утуйар кукуулун, туттар-өрөмүөннүүр сэбин-сэбиргэлин, аһылыгын.
Сонун төрдө, хаартыска: “Индигиир уоттара” телеграм-ханаалтан
