Муус устар 4 күнүгэр Дьокуускайга Хэйлунцзян провинциятыттан кыта урбаанньыттара – тойон Сун Цзинбо уонна тойон Цзян Цюань кэллилэр. Ол туһунан СӨ Экспорды өйүүр киинэ иһитиннэрэр.
Сун Цзинбо ойуур сугунун астыыр хампаанньа салайааччыта эбит. Кини манна иккиһин кэллэ. Оттон Цзян Цюань – ойууру экология ирдэбилинэн олордорго үнүгэстэри үүннэрэр хампаанньа салайааччыта. Кинилэр СӨ Экспорды өйүүр киинин генеральнай дириэктэрэ Марина Сукуевалыын уонна «Тирэх» СПоК толорооччу дириэктэрэ Антонида Барашковалыын көрүстүлэр.
Маны таһынан, Кытай урбаанньыттара СӨ Атыы-эргиэн бырамыысылыннай палаататын салалтатын, СӨ Ыалдьытымсах буолуутун ассоциациятын, СӨ инбэстииссийэни аҕалар уонна экспорды өйүүр ааҕыныстыбатын, СӨ тас сыһыаннаһыыга уонна норуоттар дьыалаларыгар министиэристибэтин, Саха сирин урбаанын бэрэстэбиитэллэрин кытта көрсүөхтээхтэр.
Сонун төрдө: СӨ Экспорды өйүүр киинэ
