СӨ Бырабыыталыстыбатын солбуйааччы Георгий Степанов муус устар 5 күнүгэр Дьокуускайга олорор Мария Стрелованы үйэлээх үбүлүөйүнэн эҕэрдэлээтэ.
Мария Васильевна – тыыл бэтэрээнэ, Аҕа дойду сэриитин кыттыылааҕын огдообото. Кини 1925 сыллаахха Иркутскай уобаласка төрөөбүт. Сэрии кэмигэр колхуоска комбайнерынан, ол кэннэ иистэнньэҥинэн үлэлээбит. 1972 сыллаахха уолун батыһан Саха сиригэр көспүт. Өр сылларга араас эйгэлэргэ үтүө суобастаахтык үлэлээбит. 1990-с сыллартан күн бүгүнүгэр диэри Преображенскай кафедральнай собор ытык прихожанката.
Георгий Степанов Мария Стреловаҕа Ил Дархан Айсен Николаев эҕэрдэтин тиэртэ, «Үйэ саас» бэлиэни туттарда уонна Кыайыы 80 сылынан бэриллэр 1 мөл.солкуобайы ытык кырдьаҕас аатыгар ыытыахтара диэн биллэрдэ.
Сонун төрдө: СӨ Үлэ уонна социальнай сайдыы министиэристибэтэ
