СӨ ИДьМ Алданнааҕы отделын оперуполномоченнайа Уллубек Мусауров уонна участковай Евгений Лаптуровхаарга утуйбут 11 саастаах уолу быһаатылар. Кинилэри наҕараадаҕа түһэриэхтэрин баҕараллар. Ол туһунан РФ Ис дьыалаҕа миниистирин көмөлөһөөччүтэ, генерал-майор Ирина Волк суруйда.
Кэпсээтэххэ, олохтоох дьахтар оҕото сүппүтүн туһунан дьуһуурунай чааска биллэрбит. Кини уолун үлэтигэр сырытыннара түһэн баран таксинан дьиэтигэр ыыппыт эбит. Үлэтиттэн кэлэн оҕото суоҕун көрөн, көрдүү сатаабыт уонна булбатах. Онуоха полицейскайдар уол сылдьыан сөптөөх маршрутунан тута үлэлээн барбыттар.
Сотору буолаат, полицескайдар оҕо дьиэтиттэн наһаа ырааҕа суох хаарынан көмүллүбүт куртка быгарын көрбүттэр. Кинилэр хаары хаһан утуйа сытар уолчааны булбуттар. Оҕо доҕотторун кытта сылайыар диэри оонньоон баран хаарга утуйан хаалбыт эбит. Оттон доҕотторо уолу барбыт курдук санаан тарҕаһан хаалбыттар.
Сонун төрдө: Ирина Волк телеграм-ханаала
