Муус устар 9-11 күннэригэр Аан дойдутааҕы Доруобуйа күнүн иитинэн «Куруһаала» атыы-эргиэн эрээтигэр Эрэгийиэннээҕи «МЕДЭКСПО. Здоровье и Красота» быыстапка-дьаарбаҥка буолуоҕа. Тэрээһиҥҥэ пааспары, ОМС полиһын, СНИЛС илдьэ сылдьар ордук.
Тэрийээччилэр иһитиннэрбиттэринэн, манна терапевка, офтальмологка, физиотерапевка көрдөрүөххэ, антропометрияны, ИМТ оросчуоту, тонометрияны, спирометрияны, флюорографияны ааһыахха сөп. Былаан быһыытынан, дерматовенеролог, фтизиатр, нарколог, психолог, социальнай үлэһит, сурдолог көрүөхтээх. Баҕалаахтар ВИЧ-ка, В уонна С гепатикка, сифилискэ, туберкулезка экспресс-тест уонна дерматоскопия ааһыахтара.
Маны таһынан Абалаах бадараанын уонна раапатын билиһиннэрии, Кэриэйэҕэ мэдиссиинэлээх туризм туһунан тэйиччиттэн сүбэ, логопедияҕа тыынар эрчиллии уонна бастакы көмөнү оҥорууга маастар-кылаас ыытыахтара.
Сонун төрдө: Yakutia24/Якутия24
