Өрүһү туоруур суол сабылларынан, муус устар 16 күнүттэн поеһынан айаннааччылары Өлүөнэ өрүһүнэн салгын олбохтоох суудуналар (СВП) 204-с түөлбэттэн («Намыв» тиксииттэн) туоратыахтара.Ол туһунан "Саха сирин тимир суоллара" АК иһитиннэрэр.
Салгыы айанньыттары Аллараа Бэстээхтэн тимир суол тиксэлигэр оптуобустар таһыахтара. Онон, Дьокуускай – Аллараа Бэстээх маршрутунан трансфер сыаната холбоон (СВП + оптуобус) 2000 солк. буолуоҕа. 5 диэри саастаах оҕолор босхо (туспа миэстэтэ суох), 12 сааһыгар диэри – трансфер сыанатыттан 50% төлөнөр.
Трансферга талону поезд билиэтин кытта эрдэттэн атыылаһарга сүбэлииллэр. Бу төһө СВП уонна оптуобус ирдэнэрин оросчуоттуурга көмөлөһүө. Билсэр төл.: 8(4112) 31-80-81, эбии 7381. Тимир суолунан айан туһунан сиһилии: https://rw-y.ru
Сонун төрдө: "Саха сирин тимир суоллара" АК
