Үбүлүөйдээх сылга Бүтүн Арассыыйатааҕы «Өлбөт үөстээх пуолка» тахсан хаамар буолла. Кыайааччылар мэтириэттэрин кытта хаамыы Кыайыы күнүгэр өрөспүүбүлүкэ бары нэһилиэнньэлээх пууннарыгар ааһыаҕа.
Маннык быһаарыыны Ил Дархан Айсен Николаев муус устар 14 күнүнээҕи сүбэ мунньаҕар ылыннылар. Ураты болҕомтону аахсыйа ыытыллар кэмигэр киин куорат олохтоохторугар уонна ыалдьыттарыгар куттал суох буолуутун хааччыйыыга уурдулар.
«Аахсыйаны хайа баҕарар быһыылаахтык ыытыахха сөп: ол курдук, «Өлбөт үөстээх пуолка» бэйэ, үлэ эбэтэр уопсастыбаннай тырааныспарга, тас экраннарга, дьиэлэр эркиннэригэр, таҥаска, социальнай ситимнэргэ уонна да атыҥҥа ыйаныан сөп», – диэн хамсааһын эрэгийиэннээҕи ыстаабын салайааччыта Ньургуяна Стручкова быһаарда.
Сонун төрдө: СӨ Бырабыыталыстыбатын уонна Ил Дарханын пресс-сулууспата
