Муус устар 18 күнүгэр, бу бээтинсэҕэ, күнүс 15:00 чаастан, СӨ Национальнай бибилэтиэкэтин устуоруйаҕа саалатыгар норуот тапталлаах артыыстара, айар куттаах дьиэ кэргэн Клавдия уонна Герман Хатылаевтар “Төрүт дорҕоон” кинигэлэрин электроннай көрүҥэ сүрэхтэнэр.
Бу кинигэ бастаан 10 сыл анараа өттүгэр бэчээттэнэн тахсыбыта уонна тута аҥаардас идэтийбит мусукааннар эрэ буолбакка, саха омук төрүт үстүрүмүөннэрин сэргиир бар дьон бүттүүн киэҥ сэҥээриитин ылбыта. Аны бу кинигэ электроннай көрүҥэ баар буолла! Ол аата “Төрүт дорҕоону” ааҕарга, көрөргө-үөрэтэргэ саҥа саҕахтар арылыннылар. Кини хааччаҕы, ырааҕы-чугаһы билиммэт буолла!
Кинигэ электроннай барыйаанын бу сигэнэн Национальнай бибилэтиэкэ саайтыгар киирэн көрүөххэ сөп.
Бэй.кэр.
Хаартыска: "Эдэр Саас".
