Н.Е.Мординов-Амма Аччыгыйа аатынан Харбалаахтааҕы үөрэхтээһин холбоһугар муус устар 16 күнүгэр Улуу Кыайыы 80 сылыгар анаммыт "Кыайыыны уһансыбыт аҕа саастаах көлүөнэҕэ сүгүрүйэбит!" диэн Улахан Ааҕыылар буоллулар. Бу тэрээһиҥҥэ нэһилиэкпит киэн туттар үлэ бэтэрээннэрэ, сэрии оҕолоро, Харбалаахпыт маҥнайгы тутааччылара күндү ыалдьыт буолан сырыттылар.
Кинилэр үлэҕэ ситиһиилэрин иһин ылбыт наҕараадаларын иилинэн үөрэн- көтөн кэллилэр. Үөрэнээччилэр ыалдьыттары аан айаҕар көрсөн аактабай саалаҕа атаардылар. Тэрээһин аһыллыытын сүрдээх истиҥ үөрүүлээх чааһын кэнниттэн бэтэрээннэри кылаас аайы тарҕатан оҕолор дакылааттарын иһиттибит. Хас биирдии үөрэнээччи сэрии, тыыл бэтэрээннэрэ эһэлэрин, эбэлэрин туһунан кыһаллан үөрэппит, суруйбут дакылааттарын олус интэриэһинэйдик кэпсээтилэр.
Ытык ыалдьыттар тыыннаах сибэкки дьөрбөтүн тутан, оҕолор бэлэхтэрин ылан, ырыа, хоһоон истэн дуоһуйдулар, астыннылар. Кэлэр көлүөнэ оҕолортон үтүө, өйдөөх, сэмэй, бэрээдэктээх дьон үүнэн тахсан эрэллэриттэн үөрдүбүт. Учууталларга уонна үөрэнээччилэргэ ыҥырыыгыт, болҕомтоҕут иһин истиҥ махтал тылларын ыытабыт.
Бэтэрээннэр сүбэлэрин бэрэссэдээтэлэ С.П. Винокурова.
Сэҥээриилэр
References:
https://git.moguyn.cn/: https://git.moguyn.cn/reganbehrens3