«Якутскэнерго» Сунтаардааҕы салаатыгар (РЭС) 220кВ «Сунтаар» ыстаансыйаҕа эбии күүстээх трансформаторы туруоруохтара. Ол курдук, билигин фундаменын таҥыы уонна тэрили туруорууга бэлэмнэнии бара турар.
Үһүс АТДЦТН-63 трансформаты үлэлэтии ыстаансыйа кыамтатын улаатыннарыа, уотунан хааччыйыы таһымын тупсарыа уонна уоту туһаныы элбии турар кэмигэр арахсыбакка үлэлиирин мэктиэлиэ.
«Трансформатор Сунтаардааҕы салаабытыгар этэҥҥэ кэллэ. Маннык тэрили Саха сиригэр тиэйэн аҕалар олус уустук. Маҥнай тимир суол тырааныспарынан, онтон баржанан, ол кэннэ массыынанан айаннаата», - диэн РЭС сүрүн инженерэ Ю. В. Возненко иһитиннэрдэ.
220кВ «Сунтаар» ыстаансыйа ВЛ – 220 кВ «Мирный-Сунтар-Нюрба» комплекс састаабыгар киирэр уонна Бүлүү бөлөх улуустарын уотунан хааччыйар сүрүн ситим буолар. Онон ыстаансыйаны саҥардыы тыын суолталаах.
Сонун төрдө: Якутскэнерго
